தூத்துக்குடியில் திடீர் மழை: மக்கள் மகிழ்ச்சி

தூத்துக்குடியில் இன்று அதிகாலை திடீரென மழை பெய்ததால் மக்கள் மகிழ்ச்சி அடைந்தனர்.

தூத்துக்குடி மாவட்டத்தில் கடந்த சில தினங்களாக கோடை காலத்தை மிஞ்சும் வகையில் வெயில் சுட்டெரித்து வருகிறது. பகல் நேரங்களில் அனல் காற்று வீசியதால் பொதுமக்கள், வாகன ஓட்டிகள் கடும் அவதி அடைந்தனர். 

இந்நிலையில், தூத்துக்குடி நகர் மற்றும் சுற்றுவட்டாரப் பகுதிககளில் இன்று அதிகாலை திடீரென மழை பெய்துள்ளது. இதனால் தாழ்வான பகுதி சாலைகளில் மழை நீர் தேங்கியது. திடீர் மழையால் வெப்பம் சற்று தணிந்துள்ளதால் மக்கள் மகிழ்ச்சி அடைந்தனர். இன்று காலை நிலவரப்படி தூத்துக்குடி நகரில் 11 மிமீ மழை பதிவாகி உள்ளது. சாத்தான்குளத்தில் 30மிமீ மழை பெய்துள்ளது. 

-தூத்துக்குடி மாவட்டம் ஓட்டப்பிடாரம் தாலுகா செய்தியாளர்:சி.நாகராஜ்